吸塵豬肺　啤水乾煎去邋遢

咳咳咳！最近香港受沙塵暴影響，喉嚨乾又痕又有咳，梗係要以形補形，飲番啖豬肺湯。不過洗豬肺都好花工夫，大家睇我點做啦！

將水喉插入豬肺的喉管，一直灌水至脹大，拍打有瘀血的地方，直至肺脹大一倍，又硬又實，就將水倒出，重複這灌水步驟，直至豬肺變白為止，切走豬肺葉下方有積血的地方及喉管，切件後放入鑊，用大火邊煎邊會有水滲出，如水太多將之倒走，抹乾鑊再煎過，還要邊煎邊壓豬肺，在氣孔位置有白色泡沫滲出，一定要壓至沒有泡才夠乾淨，煎至豬肺沒有水滲出就可熄火。
將豬肺、豬10両、白菜仔1/2斤、菜乾4両、果皮1片、蜜棗2粒、南北杏2両、薑4片放入大煲滾水中，用大火煲至水滾，轉細火煲2小時，加鹽調味即可。