陳奕迅（Eason）前晚繼續帶病在紅館開騷，雖然打了類固醇針開聲，但表演時仍出現喉嚨聲沙的情況。抱恙的Eason不欲令買飛入場的歌迷失望，他前晚仍博盡上台演出，汪明荃（阿姐）、黃宇詩和梁家輝等往捧場。
中段回勇
Eason前晚開場時表現稍為聲沙，但下半場已漸入佳境，Eason對於最新EP《TimeFlies》銷情理想大感安慰，他希望演出能像唱片一樣保持靚聲，他說：「要辦18場演唱會唔容易，家要好好保聲，最鍾意講嘢嘅我都少講為妙，好彩出咗碟，大家可以睇同聽到我嘅新歌補數。」至於黃宇詩昨日則在電話中說：「Eason開頭係有少少未如理想，但中段以後已經回復狀態，佢唱到冇留力。」
採訪：林妃