花旗股市前晚炒高，港股噚日借勢高開，但係跟進嘅買盤唔算積極，大市好快掉頭，晏晝個勢更弱，恒指最後嘅升幅只剩番20點，不過成交好奀，只得520億元，恒指連續第3日企喺20日線上面窄幅波動，暫時都係整固格局。
睇花旗嗰邊，呢兩日仲有機會踢高啲，睇吓可唔可以幫港股打破悶局。
中海C輪20109：中國海外（688）昨收16.38元，升1.8%。股價跌咗幾日，守住條250日線反彈，短線有機試17元，破位睇18元，可以諗吓隻C輪20109。
隻輪現價12.4仙，2010年6月29日到期，行使價17.38元，溢價13.6%，引伸波幅49.2%，有效槓桿5.9倍，正股見18元，20109睇20.9仙，正股跌穿15.80元，就沽咗隻輪止蝕。
俊樺