周秀娜過去兩年憑性感寫真成為宅男女神，她昨日透露今年書展會再度出擊，構思有故事性的新主題，更戲言玩滴蠟，言論大膽的她更大玩一語雙關，笑指若男友「三點蒲頭」，她就會「三點露畀佢睇。」
周秀娜、諸葛梓岐（Marie）昨日在海港城為ToyWatch宣傳新錶，和老闆娘、鄧永鏘胞妹鄧霓儀輪流合照。周秀娜謂今年暑期會再出寫真集，她之前性感刷牙滴泡、滴雪糕，全城嘩然，問到今年的寫真如何？她即笑住說：「滴蠟呀！」隨即說：「講笑，今年滴汗呀！我想搵啲有故事性嘅，想衝出東南亞拍攝。」是否全裸？她說：「唔知，乜嘢都係未知之數，睇吓班底，想試新嘢。」她謂堅持三點不露，問她三點可是只露給男友欣賞？她搞爛gag說：「我都好準時，男友三點蒲頭，我就三點露畀佢睇囉。」
諸葛想睇娜姐全相
同場的Marie指早前兩人在東京行騷，大方盛讚周秀娜為人爽快，問她在後台有沒有見過周秀娜全相？她即說：「冇，我都好想！啲朋友話佢個body好靚。」提到周秀娜暑假再出性感寫真，一向連泳衣騷都不接的Marie說：「我都係唔會出，要影就唔可以性感，因為媽咪唔鍾意，同埋要加啲文字嘅嘢。」陳法拉在劇集中也露bra演出，她聞言笑一笑說：「問其他嘢啦，我都唔會拍劇。」影內衣照？她說：「一定唔會，我一路image都唔係咁樣。」但她謂可以接受婚前自拍性感照留念。
採訪：羅慧敏 攝影：陳志嵐