鄧萃雯昨日到觀塘長者安居服務協會，以「平安手機服務愛心大使」身份出席記者會。雯女即席擔任義工，與長者傾電話，又即場試用平安手機服務。
雯女說：「其實真係幾方便，因為長者其實比我哋更加多時間玩，退休可以周圍去。呢個服務幾啱香港人，因為個個要養家嘅都好忙，又冇時間照顧屋企人，申請呢個服務好過平時過節送禮物，更加表達到對佢哋嘅關心。」
擔心老人癡呆
雯女提到與長輩外出的趣事，她說：「其實我啲屋企人都幾講得笑，之前有一次食完飯問佢哋去唔去卡啦OK，十幾人入面有六、七個都夠年齡用長者卡，但係個個都話冇，其實培養吓佢哋嘅興趣都唔錯。我媽咪就鍾意去內地玩，食嘢、按摩咁，之前佢睇電視個老人癡呆症專輯睇到眼定定，因為佢同我都好冇記性，我仲話係佢遺傳畀我，用呢個理由去佢用呢個手機就易話為啲啦。」
採訪、攝影：藍文浩