意國名師DonatellaVersace日前來港，昨晚在中環出席活動，賭王三房長女何超雲昨晚真空性感搶鏡。超雲和皮草太子爺男友Andy戀情公開，她卻指Andy未有資格管束她衣着及見家長，更解釋男友愛搽潤唇膏全因好dry。
意國名師DonatellaVersace日前來港，行程緊密。昨晚她又到中環Joyce，出席Versace進駐Joyce發售酒會，大會參考了米蘭的騷場設計，安排了巨型V字台，9位穿上新裝的模特兒由白色帳幕冚着，由DonatellaVersace主持揭幕儀式。
嫌Versace太性感
決心轉投時裝行業的何超雲，不放過任何與設計師會面取經機會，她昨晚以自稱性感底線的露背真空低胸裙上陣，但卻揀了法國名牌Lanvin，問到為何不着Versace，她更倒米說：「揀唔啱，嗰啲仲性感。我都有留意，以前見過媽咪着囉。」她謂性感上陣，被媽咪詐型，但男友Andy就未有出聲。
超雲說：「識咗一排咋，佢鍾意我着得casual。」她更謂男友未去到見家長地步，賭王只是看過相片，評價是「幾好，不過靚唔過我。」提到Andy經常搽潤唇膏，十分姿整，超雲說：「好正常，佢乾呀。」兩人之間好dry？她即詐聽不到入場。
安安做家居佈置
余安安踩着18cm超高高跟鞋入場，她大讚Donatella有創意及保養得宜，原來安安近年都加入創作行列，她說：「幫啲朋友佈置家居，買傢俬配襯咁，幾enjoy，睇靚嘢，creative又有收入。」她謂復活節會留港，因長女回港在港大進修法律，一年就可成為執業律師。
此外，Versace的2010春夏以愛麗斯夢遊仙境為靈感，大玩視覺幻象和圖案錯配，華麗古典的巴洛克風格和Versace性感DNA，結合成炫目非凡的精采新作。
採訪：RitaLeung
攝影：RickyIp