邵氏公司1969年由張徹開拍的《獨臂刀》捧紅了王羽，41年後陳可辛計劃開拍一部有關獨臂刀客的古裝武俠片，鎖定由甄子丹主演。昨日甄子丹表示很欣賞陳可辛，希望這次合作能擦出火花。
陳可辛繼電影《投名狀》後，已經兩年沒有親自執導，但今年7月他會開拍一部億元製作的古裝武俠片。早前一直有傳陳可辛要翻拍邵氏舊作《獨臂刀》，男女主角屬意甄子丹與周迅，但後來因版權問題，邵氏已把版權賣了給荷李活鬼才導演昆頓塔倫天奴（QuentinTarantino），故此陳可辛放棄拍《獨》片，改而自創故事，開拍一部以獨臂刀客為題材的武俠片。
未定女主角
整部戲會在內地取景，甄子丹除擔任男主角外，還會兼任動作指導，記者昨日聯絡陳可辛，他在電話中說：「我唔係重拍《獨臂刀》，只不過我係同甄子丹傾緊拍一部動作戲，但十畫未有一撇，戲名都未定，女主角唔係周迅，家好多嘢未落實，由頭到尾我都冇諗過要重拍《獨臂刀》，始終覺得個名舊咗啦！現時仲係搞緊劇本，幾時開拍都未定好。」
甄子丹今年已接拍四部電影，他表示一直很欣賞陳可辛，能演出他親自執導的電影感到很開心，甄子丹昨日接受電話訪問說：「10幾年前開始，我已經好鍾意陳可辛拍嘅戲，可惜一直冇合作機會，直到上年佢監製《十月圍城》，搵我合作先促成拍佢導演嘅戲。」
甄子丹續說：「至於係咪拍《獨臂刀》，我就唔方便講，你最好問番導演，其實拍乜題材都唔緊要，我只係信陳可辛，一個好導演係可以將一個爛劇本拍成為好戲，我好期待今次合作可以有好嘅化學作用。」
採訪：葉雪
甄子丹打到2011
電影：《葉問2》 導演：葉偉信 上映日期：4月29日
電影：《精武風雲》 導演：劉偉強 上映日期：10月1日
電影：《關雲長》 導演：麥兆輝、莊文強 上映日期：2011年
電影：古裝武俠片 導演：陳可辛 上映日期：2011年1月
資料來源：《蘋果》資料室