女性經濟能力家陣真係唔可以講笑，難怪好多人都話女人錢好易賺。消費股之中，唔少業務主攻女性，好似莎莎（178）近幾年每年平均賺幾億元，派息又豐厚，有投資呢隻股份，隨時財息兼收。
另一隻係達芙妮（210），09年上半年純利僅增長1.1%至2.61億元，但可能市場對其即將公佈之09年全年業績有憧憬，該股近期多次升破52周高位，昨收7.34元，升2.8%，不妨留意走勢。
至於安莉芳（1388）亦不容錯過，呢間專營女性內衣的公司，90%收入來自大陸，目前有近2000個銷售點遍佈神州。
早前公司曾發盈喜，指去年純利按年增長達50%或以上，照咁睇，安莉芳09年度純利至少有1.1億元，預測市盈率回落到十零倍左右，相當吸引。公司去年6月底止，有4.19億元現金在手，財政良好。
該股前日以大成交急升，相信係重返年初高位5元之前奏，昨收4.30元，冇升跌，不妨伺機上車短炒。
方星俠