「籃球之神」米高佐敦上個禮拜正式做咗山貓「揸弗人」，周一佢就放風話休季期間冇諗過招攬「大帝」勒邦占士、「閃電俠」獲迪等superstars，之不過佢咁高調，話唔定係宣傳策略？90年代幫公牛6奪總冠軍嘅米高佐敦，話下季球隊薪金達5,700萬美金左右（下季薪金上限或為6,500萬美元），加上今季預計虧損3,000萬美金，門票、贊助又唔多，真係要慳住使咁話！但係以米高佐敦喺NBA嘅江湖地位，個個球員都對佢敬佩萬分，如果佢肯以「友情牌」打畀封佢為偶像嘅勒邦占士、獲迪，話唔定呢班巨星真係肯放棄錢途加盟o架。