話明4月離開高盛唔做合夥人，自行創業搞PE（私募基金）嘅胡祖六，PE雖然未有聲氣，但唔代表六哥齋做一瓣咁dry。噚日SCMP集團（583）就宣佈，委任六哥做獨立非執行董事兼策略委員會成員，每年可以攞到15萬蚊董事袍金。
經營《南華早報》嘅SCMP集團，舊年純利跌兩成，唔知係咪咁所以要搵啲高手獻計。集團噚日仲宣佈會改番個中文名，叫「南華早報集團有限公司」，查實佢哋以前都係叫呢個名，不過01年改咗叫SCMP之後，對家《Standard》變做免費報紙效果唔錯，小小超又叉隻腳落去搞英文傳媒，舊年撬走《南早》一批精英，加加埋埋都夠SCMP頭痛，??家改番先前個中文名，唔知係咪想轉運？