經常聽人講通識教育，問父母甚麼是通識卻鮮有人答得出來。身為6歲半Hayden和3歲半Fergus的媽咪Connie，為了令孩子了解更多有關通識、社區及道德等教育，身體力行和他們周街走參觀文化建築，還DIY各種獎品玩具，鼓勵他們用圖畫抒發感受，令他們不致成溫室小花。
記者：林佩婷
攝影：譚盈傑
博物館學通識
普通家庭假日多去公園、商場，但Connie為了令子女認識本地文化歷史，每逢假日就一家去博物館參觀，甚至擁有全年通行證，以便隨時去。因為她認為香港人應該熱愛自己的地方，對文化歷史要有一定認識，從而發展社區及通識保育的目的。有這個觀念，原來跟她成長好有關係。「爸爸以前做玻璃擺設生意，令我對飾品情有獨鍾，後來知道每件設計都可能受當地文化歷史影響，所以我每到一個國家必先去博物館。而我的工作同教育有關，知道通識對小朋友好重要，平時我哋會行吓摩羅街、文武廟等特色街道，以加強佢哋對本地嘅認識。」
公共設施亦是學習通識的第一步，Connie讓兩姊弟接觸汽車、巴士，家中有不同年代類型的車輛，再進一步是讓他們看不同書籍認識各地建築物、國旗等。在潛移默化下，Fergus勁鍾意交通工具，有時會自製建築物模型或國旗，連外國巴士都認得。
DIY了解節日
每逢節日，Connie會讓小姊弟做一些ＤＩＹ以了解節日文化。「這樣做不但可發揮創意，亦同時培養珍惜的觀念。」為了令小朋友對自家創作產生興趣，Connie專誠買書返屋企刨，再引導他們自己創作。「好似早前帶佢哋去睇盆桔，誘發了他們用鐵線及縐紙做年桔，令佢哋對中國新年同家庭觀念更深刻。」
孩子總會扭計，怎辦？Connie會讓他們回房對着鏡子15分鐘好好反省，出來再畫畫。「小朋友較難用文字表達自己，我要佢哋將心情用圖畫表達出來。覺得佢哋比較單純，好似Hayden兩年前買咗對閃燈波鞋，到家着到爛晒都唔捨得掉。」
