花旗股市上禮拜五回落，不過幅度唔算大，噚日港股下跌437點，好似過咗火位，睇番成交同埋期指全日嘅變化，其實都係大戶即市挾好倉嘅活動，對大局唔會有大影響，恒指企喺50日線樓上收市，暫時可以守穩。
由大部份股份嘅買賣情況來看，股民觀望情緒轉濃，未有新消息之前，暫時會係上落市格局。
光控C輪21048：光控（165）昨收19.14元，跌1.7%，全日嘅跌幅同波幅都唔算大，遲啲有機會再試20元，破位睇22元，可以諗吓隻C輪21048。
隻輪現價32仙，2010年8月10日到期，行使價18.40元，溢價12.8%，引伸波幅61.9%，有效槓桿3.6倍，正股升上22元，21048睇51.4仙，正股跌穿18元，就沽咗隻輪止蝕。
俊樺