有次喺pantry聽到同事阿光，甜絲絲咁講電話（佢講得太大聲，我唔係偷聽o架），原來佢諗住下星期，同女友靚版王菀之去拉薩旅行，仲約咗喺上環信德中心等。吓！佢哋唔通搭噴射船，或者坐燊哥架直升機去拉薩？
淨計巴士費全港最平
原來，佢哋係訂咗由深圳寶安國際機場起飛嘅機票，經成都轉飛去拉薩，都係二千蚊度，如果喺香港飛要五、六千蚊o架。佢解釋，係經香港一間專做「經深飛」嘅旅行社訂機票，仲包一張由香港出發去深圳機場嘅巴士飛。
佢話呢間旅行社，今日起啱啱喺上環信德中心，開咗豪華貴賓室，提供一條龍服務，顧客去到嗰度，可以睇到深圳機場即時航班資料，只要將深圳機票交畀職員，仲可以幫你搞埋機位，即場攞埋登機證，然後施施然咁上豪華過境巴士，直達深圳機場搭飛機。
小妹問過呢間冠忠環島旅運嘅發言人賴先生，佢話佢哋嘅顧客，去到深圳機場，仲可以經貴賓通道入閘，再加上已經攞咗登機證，所以可以慳番好多時間，適合貪方便嘅香港人。
雖然本港都有其他類似服務，但佢話佢哋係最方便，因為另外喺尖沙嘴海港城、太子、九龍塘、銅鑼灣時代廣場，都有上車地點，但就以最新嘅上環旗艦店最豪華、最多服務。佢又話，淨計巴士車票，每位大約90至100蚊，係全港最平，而且大約每15分至30分鐘一班。查詢電話：22916223。
電郵：mailto:[email protected]