劉德華前晚以一身潮男打扮，與時裝大師YohjiYamamoto（山本耀司）齊齊為Y-3新店剪綵。華仔自言是時裝門外漢，大讚Yohji好勁，並透露互相研討歧視問題，又與大師談電影，希望有機會在這方面合作。
由時裝大師YohjiYamamoto與adidas合作的時裝品牌Y-3前晚在尖沙嘴K-11購物藝術館舉行新店開幕禮，Yohji更聯同甚少出席時裝活動的劉德華和內地紅模杜鵑剪綵。
一身Y-3潮男打扮的華仔自言來朝聖，他說：「覺得佢好勁，80年代已經鍾意佢嘅設計，前排佢都經過風浪，但仍然對自己嘅信念咁堅守，好強勁。」問他和Yohji傾談了甚麼，華仔說：「佢同我傾好多嘢，佢講自己小學有個同學係中國人，由於冇日本護照，所以入唔到日本大公司工作，我哋係講歧視嘅問題，講點樣打破呢樣嘢。」
盼與Yohji合作電影
問華仔會否與Yohji合作，他即笑言：「唔敢，我係時裝門外漢，知道佢好鍾意電影，都希望有機會同佢喺呢方面合作。」會否邀請大師為他設計歌衫？華仔說：「未知，希望有機會，今日係第一次見，新相識。」
近日蔡卓妍（阿Sa）與鄭中基分手鬧得熱烘烘，問華仔有否留意？他即八卦說：「呢個反而知，冇法啦。」問他有否以過來人身份教她處理危機，他說：「佢咪處理咗。」記者再追問若阿Sa真的結過婚，是否應該承認，華仔即煞有介事謂：「唔使啦，做乜講番轉頭。」華仔自言不知道阿Sa與鄭中基拍拖多年，他說：「我都係睇報紙先知，同佢合作過，睇唔出佢戀愛中。」
採訪：RitaLeung 攝影：ChanChiLam