燒白鑊 不能用大火

燒白鑊 不能用大火

屋企啲鑊多到連阿媽都忍唔住開聲:「你又買白鑊做乜呀?」白鑊,個鑊真係白色,對我呢種烹飪技術未到家,想煎蛋唔黐底就靠佢。佢由韓國製造,標榜表面有陶瓷層,比起一般用Telfon塗層嘅易潔鑊安全,唔會因溫度過高而釋出致癌氣體。不過白鑊都唔可以承受高溫,只宜用中至小火烹煮,有次我開住中火,落咗油唔記得,結果個鑊燒得太熱而變成焦黃,我用盡漂白劑都洗不掉。雖然個鑊黃咗,煮食都唔會有影響,都係嗰句:「唔靚囉!」

敗家嫂