【本報訊】政府一向宣傳吸毒「不可一、不可再」，身兼黃大仙區議員的社民連主席陶君行昨天出席香港電台一公開活動時，卻在過百學生面前失言，指年輕人吸毒是「只可一、不可再」，最終需要其他嘉賓澄清年輕人吸毒是「一次都唔可以」。陶君行解釋有關言論旨在指出曾吸毒的年輕人只要迷途知返，一樣有翻身機會，希望外界別有所誤會。
記者：許偉賢 林俊謙
港台昨天舉辦一個名為「傳媒初體驗」的活動，向曾經參與採訪工作的近百名學生頒獎。陶君行是頒獎嘉賓之一，昨被安排與禁毒常務委員會主席石丹理等人一同上台就禁毒問題發言。陶君行主動舉例指，「我記得美國（前總統）克林頓同（現總統）奧巴馬年輕時都好似食過Cocaine（可卡因）嗰啲嘢，我覺得呢啲嘢食一次就好喇，試一試，係咪？」
有關言論引起台下不少嘉賓譁然，連與陶君行同台的石丹理也微笑搖頭糾正指吸毒是「不可一、不可再」，陶君行聽罷卻稱：「只可一、不可再，應該叫做。（意即）食完一次就返番正途選美國總統喇，香港學生就可以去選香港行政長官。」
多人補飛：一次都不可
其後上台發言的多位嘉賓無不主動反駁陶君行言論。工聯會王國興甫上台便指年輕人吸毒絕對是「不可一、不可再」，「一次都唔可以」。公民黨湯家驊也澄清陶君行提出「吸毒係試一試無所謂」的言論是「講笑」，「大家唔好當真」。
王國興會後批評陶君行用語欠謹慎，認為他作為一個政黨主席，「喺道德是非標準問題上唔可以當玩」。湯家驊解釋在台上糾正陶君行言論，是想向現場青少年說明「呢啲嘢（吸毒）試吓都唔得」，強調「我好希望佢只係講笑」。
澄清是說「有翻身機會」
湯家驊引述當時同在台下的基督教正生書院校長陳兆焯也對此言論「嚇一跳」。陳兆焯回應時稱無論是濫藥抑或吸毒，「青少年係一次都唔可以嘗試」，但他指昨天現場氣氛輕鬆，「相信陶君行都係講笑」。
本報其後向陶君行查詢，他澄清當時並非叫青少年嘗試吸毒，指「我係想講就算吸過毒，都一樣有翻身機會」，可惜因為不夠時間而未能作詳細闡述，強調「希望大家唔會有誤解」。
近年政界失言事件簿
昨天
社民連主席陶君行公開談吸毒問題時指「只可一、不可再」
09年
財政司司長曾俊華被問及中產困境時反建議中產按樓借錢，「我相信佢哋可能係有自己嘅屋，可能有其他儲蓄，我相信佢哋係有貸款能力嘅！」
特首曾蔭權談及六四事件時，指「我嘅意見就係代表整體香港人嘅意見」
08年
政務司司長唐英年談及漢普頓酒店旅客被逐時，指「??家嗰班友（旅客）條條fing喺街度」
07年
民建聯已故主席馬力否認有六四屠城，叫人「咁咪搵隻豬去試吓係咪會變肉餅囉！」
資料來源：《蘋果》資料