雖然陳志雲目前仍因涉貪污而停職，不過近日他卻不避嫌四出露面，兼且每日有不同造型，神色輕鬆，難怪不少圈中朋友皆表示放心。
張繼聰：我冇去探陳生，完全唔知佢開記者會，不過我之前有SMS畀佢，佢都有覆我。一直話力捧我都係傳媒講，我本身好多謝TVB，唔只陳生，仲有好多監製。至於節目係咪換人冇預我就唔知，總之我會尊重節目製作。老婆（謝安琪）話我唔開心，佢都係睇完報道先有自己感受，唔代表我立場。我冇做乜嘢舉動要劃清界線，作為朋友都想佢好好面對，同埋過得好。
馬浚偉：我從來冇黨派，我哋係上市公司，冇分黨派。我都有SMS畀陳生，但其他就唔方便講太多。
呂慧儀：講到送禮物，通常我會避免送太貴，人哋收到都會尷尬，我會送自己能力範圍內嘅心意嘢，我試過送月餅券囉，係當選港姐時嘅獎品。
胡定欣：我就未見過有人送禮畀高層，我只會新年講聲新年快樂，總之藝人最緊要做好自己本份。
陳倩揚：我都係睇報道先知，之前從來冇見過，我自己就唔會送厚禮畀高層，最多係整朱古力當心意，我只會當係朋友咁，好好朋友先會送囉。
