【本報訊】曾公開承諾任內徹底解決普選問題的特首曾蔭權，昨日改口拒絕交代香港落實普選立法會時，會否取消功能組別，指即使現時香港社會上期望他交代功能組別存廢問題，他亦要面對政改方案需獲功能組別議員支持通過的政治現實，「有啲嘢急都急唔嚟」。
五區公投運動總發言人余若薇呼籲，為打破曾蔭權口中的政治現實，踢走不公平的功能組別，港人應在5月16日踴躍投票，就香港應否落實真普選全民直選表態。
會溫總只談經濟
國務院總理溫家寶兩會期間首次指出本港「深層次矛盾」包括政改問題後，過去只將矛盾演繹成經濟問題的曾蔭權，昨日聲稱對溫總開口解釋感到「好開心」，「等香港人明白到，唔使猛咁估吓估吓佢講乜嘢」，辯稱自己過去每次述職，都只與溫總討論經濟問題，「因為上面常委分工都幾清楚，關於政制問題，我通常同習先生（國家副主席習近平）傾」，指溫總相關發言「係因為當時香港炒得熱烘烘，佢要加一兩句講呢樣嘢」。
談到是否有信心在餘下任期解決政改的深層次矛盾，令不同黨派停止爭拗時，曾蔭權就指「我敢講係冇可能」，又指港人「一定要識得點去妥協」。
「有啲嘢急唔嚟」
問到何時會履行競選承諾，交代何時取消功能組別時，曾蔭權就指個人若「講出和討論」功能組別存亡問題，「我真係好驚2012年我哋達唔到共識」、「相信只會壞咗件事」。他又指，即使香港社會期望他交代功能組別存廢問題，他亦要面對政改方案需獲功能組別議員支持的政治現實，「有啲嘢急都急唔嚟」。
民主黨副主席劉慧卿昨日出席一個公開活動表明，如果曾蔭權拒絕履行其07年提出，表明會徹底解決普選問題的承諾，特區和中央政府又拒絕交出清晰路線圖，保證2017年特首選舉的提名門檻會降低，以及在普選立法會時廢除功能組別，民主黨將極可能再次否決政改方案。