無綫節目監製錢國偉（Wilson）擅於炮製綜藝節目，過往曾製作過《美女廚房》、《味分高下》和《耳分高下》等，並捧紅不少廚房妹，可是捲入貪污案後，他立即遭無綫停職，下月的《飲食天王頒獎禮》即轉由另一位監製衞世輝接手。
本來錢國偉暑假期間會籌備新節目《美女化妝室》，該節目以教少女扮靚心得為主，但由於仍在草擬階段，加上錢國偉正停職，該節目大有機會胎死腹中。無綫外事部副總監曾醒明昨日在電話中說：「公司係有構思過想搞一個咁嘅節目，但一切好初步，內容同主持都完全未諗。」
天華：非迷雲黨
錢國偉落難，身邊友人意見不一，謝天華和曾與錢國偉夜蒲的落選港姐黃瑩前晚在尖沙嘴出席酒吧騷，黃瑩寸爆對方說：「我同Wilson夜蒲只係嗰一次，見我冇做佢節目就知我冇同佢玩。」天華則說：「我喺TVB咁耐，點會唔熟，我都有上過《美女廚房》，我有SMS佢，佢都有覆我話唔使擔心，希望件事快啲過。」
問到天華是否「迷雲黨」？他聞言即說：「你見我喺雜誌冇相就知唔係，我係行動派，有order就去開工。」天華表示即使跟同事夾份送禮都絕不會超過規定價錢，他笑稱：「我好窮o架。」天華指有看陳志雲記者會，看到對方氣色不錯總算放心。
採訪、攝影：何慧斯、林妃