關仁隱事:「纖纖」難忘矇豬眼 - 關仁

關仁隱事:「纖纖」難忘矇豬眼 - 關仁

雖然「矇豬眼」同「纖纖」呢一對從未公開承認拍拖,但佢哋拍拖已經係圈中公開嘅秘密,呢幾年成日都傳佢哋結婚好事近。早幾日先收到話矇豬眼同纖纖幾年前喺花旗國結咗婚,點知第二日兩個當事人就公開宣佈分咗手,真係估佢哋唔到。有傳話分手係因為纖纖覺得矇豬眼花弗,不過關仁聽聞話自從同纖纖一齊後,矇豬眼已經修心養性,間中仲會送小禮物畀纖纖,不過矇豬眼最煞食嘅當然就係佢把口啦,成日講爛gag,到纖纖笑唔停。
Textby關仁