任何與時裝有關的電影電視劇都一定有這一場景──充滿自然光線的亮麗大堂，出出入入都是年輕、時尚而精神奕奕的男男女女，皆十分標準地挺起胸膛，下巴微微向上地急步穿梭於走道上電梯間──然而我告訴你，我所見過的名牌總部大部份都不是這樣的，完美得似假的HeadOffice風光，老實講，我都是第一次見，在倫敦Westminster的「馬船路」（HorseferryRoad），Burberry的新總壇。
時裝不外乎有關包裝的一回事，能將自家的基地包裝出這種青春，有活力和不拘小節的「企業形象」，這個人大概有能力將一整個國家包裝得好好睇睇吧，更何況你和我？
第一印象這麼時髦而平易近人，從這種佈景中跳出來的人，無論穿甚麼牌子都一定不會是「惡魔」吧？
ChristopherBailey走出來迎接時，甚至叫隨身的公關人員們都暫且退下迴避，一副「新時代新人類毋須排場架子」的風範，你能夠不當場喜歡這個人嗎？
以下是基斯杜化與我，在他私人辦公室閂埋房門25分鐘的MantoManTalk，時間為Burberry2010秋冬時裝展的翌日下午。
黃偉文倫敦專訪Burberry主帥
大會指定我問的問題是：「你最近升了做Burberry的ChiefCreativeDirector，多了個Chief字頭，工作有甚麼不同。」而ChristopherBailey的modelanswer應該是：「以前只睇時裝設計，家由裝修到平面廣告到企業形象全部都要理。」衫及創作哲學，我覺得從天橋上理解便可以，所以我沒問這題，因為我想感受這個人的性格多一點，所以閒扯為主。
撰文：Wyman
你今日買咗未？
C=ChristopherBailey Y=Wyman
Y：你噚晚做咗乜嘢呢？
C：做完show之後同咗幾個朋友飲嘢，跟住同另一班朋友食飯，食完飯再飲咗一陣嘢。
Y：就咁咋？我以為咁辛苦做完一場大show一定有其他節目㖭，起碼都開吓party，買吓嘢獎吓自己或者大擦一餐啩？
C：呃，我過兩個禮拜會放假返鄉下間屋住吓。
Y：我好想知你上一次去shopping買衫係幾時？
C：我好好彩，我公司幾乎乜嘢都有生產，所以我身上全部嘢都係喺公司攞唔使shopping嘅，衫呀，褲呀，鞋呀，襪呀，袋呀，皮帶呀，甚至我着緊嘅內衣褲都係Burberry嘅，就算有時真係搵唔到某件衫，我啲同事都會專登車一件畀我。
Y：咁你仲記得上一次買唔係Burberry嘅衫係幾時？乜嘢衫？同乜嘢牌子嗎？
C：唔（諗得好辛苦），呀，有次我放咗工趕住去滑雪，唔記得帶雪褸滑雪褲，就是但撞入一間運動用品舖是但買咗套唔知乜牌子嘅滑雪裝就上飛機咯。
Y：作為一個fashiondesigner，你唔覺得得閒行吓街shopping吓，感受一下你啲顧客嘅第一身經驗係對你嘅工作有幫助嘅咩？
C：有，我有shoppingo架，不過係半夜上網shopping之嘛，家要買嘢都唔一定要行街啦。
Y：哦，唔怪得之近來Burberry咁重點發展網上購物啦。
（註：這次Burberry秋冬裝發佈會內80%款式的衣服手袋，於show後5日內接受網上訂購，貨品將於6-8星期內完成，並立即寄到顧客府上。）
有樣嘢我又唔係幾明喎，家3月已經可以得到本應係9、10月先上架嘅衫，咁到咗9、10月嗰陣咪冇嘢買囉？點解要畀啲客「預支」半年後嘅時裝呢？
C：嗱嗱嗱，你呢種諗法就太一般人太保守嘞，你應該咁睇，你3月得到9月嘅衫，咁9月我哋又有showo架嘛，到咗9月你咪訂本來出年3月先有嘅衫囉。咁先係新時代嘅新思維吖嘛！
Y：唔，咁即係將整個周期提早半年唧，我明啦。（雖然我仍然唔係好明「如果家可以買到9月嗰批秋冬手袋，咁啱啱推出嗰批2010年春夏手袋咪冇人買？咁咪浪費咗呢半年嘅貨？」但為免阿基斯杜化又話我唔明唔化，我惟有扮明唔追問落去。）
中場鬆一鬆
Y：哈哈哈，咁不如轉個話題啦。
嗱，二揀一，一定要揀一個。「Lily定GaGa？」
C：吓？
Y：如果你一定要dress一個人，你最想為邊個做衫呢？LilyAllen定LadyGaGa？
C：Sorry，我唔玩呢啲遊戲嘅，我唔揀。
Y：囗
有關謝幕
Y：好，問番正經嘢。我發現近幾年幾乎每一個fashiondesigner完場出嚟謝幕嗰陣都係咁意出一出嚟鞠個躬就滾水淥腳咁縮返入後台，好少可有人會行晒成條runway大大方方咁接受觀眾掌聲，係咪大家都覺得唔「扮shy」就唔夠cool呢？但當個個都係咁做又有冇少少cliche（陳腔濫調例牌行貨）呢？
C：人哋我唔知，我唔挺起胸膛出嚟謝幕係因為我覺得個collection做得好係成team同事一齊嘅功勞，我係唔應該一個人出嚟領晒啲功嘅。
Y：咁你好似MaisonMartinMargiela咁，Finale時成team人出嚟謝幕咪得囉。
C：我成team人都同我一樣唔鍾意出呢啲風頭。
日日搞我，ChristopherBailey
Y：最後想問問你，早兩年HouseofHolland出咗件「Domedaily,ChristopherBailey」T恤，仲着到一街都係，你點睇？
C：開頭有少少唔習慣，但我OK講得笑嘅，諗諗吓都覺得係一種幽默感啫。
Y：咁你喺街撞到人着有冇試過尷尬？
C：又冇喎，我覺得幾榮幸㖭喎。（但後來有日我返到屋企見到我阿媽都着住一件「日日搞我」tee，就真係有啲頂唔順嘞！）
Y：哈哈哈，你阿媽？你阿媽係全世界唯一一個唔適合講呢句嘢嘅人喎？
C：咪係囉，我估佢都唔知呢句嘢點解。
