周五12/03
呢日買國米抵輸
摩帥大師級，但點解當年買蒙達利番嚟當艾辛用，晒頭！買國米，抵輸！
閒贏指數：☆☆
周六13/03
鯨魚當工行可長揸
春季到，亞洲波大開，中間場有英超，深夜西甲守尾門，每個禮拜周六、日也如是，定力少啲都死。放假，先連睇兩場日聯，實為長期戰鬥嘅重要功課，水手對辦只因中村俊輔有卡士，配合幾位當打射手，有入前列機會，但樹大招風提防被嘜死。重心捧鯨魚臨尾半個盤都輸埋，我冇怨言，看過一次已感到係爭霸之材，3線重點：鬪莉王，金崎夢生及約舒亞堅尼地，今屆入球之源，我當佢哋係「工行」，長揸好股票！
閒贏指數：☆☆☆☆
周日14/03
剎那光輝唔係永恒
打吡日從馬場輸錢而回；好彩成晚竟中到4個波膽，全復前失，利華4:2有50倍最高興，拜仁封王要問過佢哋；曼城久休下半場夢醒又遇到對手個神勇龍門，下場作客富咸應上番力；博彩唔一定要走短線爭朝夕，做人一樣，睇3色台風雲，證明剎那光輝唔係永恒。
閒贏指數：☆☆☆☆
周一15/03
又中波膽多謝比赫積
又係利記打周一場，今次雖然更冇肉食，但對住無心踢聯賽嘅老樸冇走雞咯；近月一直留意老樸賽事，多謝比赫積破蛋，入到呢球開4:1，加埋馬體會走地W，大家都中到應咯！
閒贏指數：☆☆☆☆☆
周二16/03
國米+陸軍=一鋪翻本
閒贏指數得1個，只因大部份人狂捧熱門，越買越熱；賽前我真係好有信心國米同中央陸軍可爆大冷出線，2串1收33倍，一鋪翻本，擂台大反撲。3天累計，個人買中7個波膽，爽呀。
閒贏指數：☆
周三17/03
巴塞如贏4:1仲和味
熱門客反攻日，我當然冇興趣也冇信心再重點出擊，冇肉食往往賭更大，人之常情，不過若然巴塞贏到4:1，呢鋪一樣贏得杰，近日好順啊！
閒贏指數：☆☆☆☆☆
周四18/03
次回合好玩好多
歐霸盃好多冷W好多大膽，啱晒我以小博大，中利記3:0，今周第10個，擂台貼3串4全中，其實任何賽事，次回合比首回合好賭，大家都豁出去，好刺激！
閒贏指數：☆☆☆
上周備忘球隊：名古屋鯨魚 曼城 利物浦