側田之前係電影《72家租客》裏面嘅懷舊長毛飛仔打扮好受歡迎，所以阿田之前為無綫錄影節目《我的故事．我的歌》嘅時候，戴上一頭久違咗好耐、烏黑而濃密嘅假髮，仲黐咗林子祥式嘅二撇雞，引到有份一齊拍攝嘅吳雨霏（Kary）即刻同佢影合照，仲即時連埋佢之前去參觀印度泰姬陵嘅相放咗上微博（ http://t.sina.com.cn/karyng）。
楊千嬅嗌勁
Kary喺同側田張合照度加埋註釋：「認得他嗎？林子祥啊」即刻引嚟一班圈中好友回帖，何韻詩話：「霸房真的有效喔，動L！」師兄劉浩龍就大叫救命：「嘩，救命啊，笑死我啦，大佬食緊飯o架！」楊千嬅就簡單一個字回應：「勁！」《我的故事．我的歌》是無綫特別製作一連八集嘅歌星特輯，用來抗衡四大唱片公司嘅抵制行動。