農夫早前推出了大碟《O'FAMA》，希望藉着這張大碟，帶出信自己這個觀念，只要相信自己的能力，凡事都可以達成，再加上老闆陳冠希（Edison）鼓勵，讓農夫有動力去做好自己喜歡的音樂。
農夫今次的新大碟與以往的有很大分別，C君指以往的歌曲都是比較老少咸宜的，但新碟的歌就有很多自我鼓勵的歌曲，他說：「今次我哋嘅主題係『Yes,changewecan』但係點樣先可以改變呀？咪就係要靠自己囉。」
尋回自己方向
陸永覺得現時太多人都小看自己的能力，他不是鼓吹做一個自我中心、甚至是自大的人，他認為自信是做人不可缺少的，就如他們的新歌《IBELIEVEUCANFLY》一樣，只要有信念就可以飛，他說：「只要你信自己做任何事都得嘅，就算嗰件事唔係徹底成功，你都問心無愧，我好希望大家都要有呢個信念，特別係80後。我想話信自己多啲，就會影響到其他人去相信你。」
原來陸永及C君都一同經歷過失去信心的時候，C君說：「我哋初初入行時做嘢好起勁o架，前排有一段時間覺得做音樂呢回事，好似變咗工作咁樣，本來我哋係玩o架嘛，唔係話做嘢玩玩吓，而係做音樂要有『玩』呢個元素喺入邊，絕對唔係為咗出碟而交一堆歌出嚟。」
陸永指老闆陳冠希都覺得他們對工作失去了火花，於是鼓勵二人，他說：「Edison都feel到我哋有問題，佢叫我哋去做番自己想做嘅事，後來我哋傾過再重新搵番個方向，先至再寫到歌，所以幾時都話要信自己！」
採訪：李珮洳 攝影：陳俊強
髮型：RentonHung（ILColpo）
化妝：ManYee 場地提供：香港港威酒店