又索又潮的靚媽陳慧琳（Kelly）近日四出宣傳國語碟，前晚她便到灣仔演出慈善演唱會。當提到現在約8個多月大的「蝦餃仔」劉昇（Chace）時，Kelly自爆與老公Alex不時爭抱蝦餃仔，又謂為了陪兒子，推掉所有演出。
陳慧琳前晚和李克勤、梁詠琪（GiGi）和梁漢文（Edmond）等，到灣仔出席「獅心．童心」慈善演唱會。近日Kelly推出國語碟，故此要四出宣傳，又要出埠工作，被迫留下蝦餃仔Chace在家，問到現在出埠會否因掛住蝦餃仔而喊？Kelly笑說：「所以唔會做啲咁長嘅訪問囉，都OK嘅，3日左右啦，所以我都帶住蝦餃仔嘅相簿喺身。」
GiGi早聞Sa基分手
原來現在約8個月大的蝦餃仔私相簿已足足有黃頁電話簿般厚。為免助手太辛苦，Kelly惟有精簡一本細版放身邊，解決相思之苦。問其老公Alex有否投訴她經常飛來飛去？Kelly大發嬌嗲說：「我已經少飛咗，家演唱會一律都唔做，我哋喺屋企時，老公成日同我爭住抱蝦餃仔o架。」
同場的GiGi則和失明人士合唱，提到電影《越光寶盒》拍檔鄭中基（Ronald），前日承認和蔡卓妍（阿Sa）分手，問她是否一早知道兩人分手？GiGi竟直言：「有聽過吓，都係行內人講吓，係幾時我就唔記得」
問GiGi拍攝時有否發覺Ronald有異樣？她表示該片8個月前拍攝，當時完全沒覺得Ronald有異樣，只覺得他很專業，GiGi有感而發說：「做藝人都好慘，有乜都要公開，真係好無奈。」
另外，Edmond當晚眼紅又聲沙，他經工作人員表示不接受訪問，但仍有接受電子傳媒訪問並表示由於各有各忙，所以近日未有和Ronald聯絡。
採訪：李珮洳 攝影：陳志嵐
