志雲五人幫之一的叢培崑（o靚崑），早年為九龍區機動部隊成員，06年因為牽涉一宗致命交通意外離開警隊，翌年黐陳志雲後撈得風生水起，但他依然愛蒲愛玩，甚至將身穿警服、站於警署範圍拍攝的照片公然張貼到hi5交友網，施展制服誘惑玩網交。
周永恆力證唔係攣
盛傳o靚崑表面扮攣與陳志雲發展親密關係，實情是媾女王，周永恆便爆他經常女，他昨日到尖沙嘴出席活動時說：「我肯定佢唔係（指同性戀），佢咁高大靚仔，唔覺得佢係鍾意男人，我以前都有見過佢兩個女朋友。」
日前本報接獲自稱是o靚崑舊同事的讀者爆料，大爆o靚崑以前常搞飲酒活動，先向同事收錢，但活動爛尾卻不退錢，即使成為陳總愛將後，仍藉詞開生日派對並邀約舊同事參加，聲稱費用全免又有明星作客，可是朋友到場後卻見枱面放有利是封，臨場被迫做禮。
採訪：丁寧、何慧斯