官恩娜昨日身穿低胸裙現身銅鑼灣，為薄烤餅店MazazuCrepe示範，曾被封地獄廚神的她說：「自己好鍾意煮嘢食，不過疏於訓練。」
冇送禮被指唔識做
有否為外籍男友下廚，官恩娜笑言：「即食麪算唔算，未試過煮嘢畀佢食，希望有時間，佢又忙我又忙，大家都好明白，不過女仔唔識煮嘢食好羞家。」
陳志雲涉貪污鬧到滿城風雨，問官恩娜有否向無綫高層送禮物，她說：「冇，之前有諗過送花畀幕後人員，不過自己怕羞冇送到，我啲同事都話我唔識做人。」此外，她透露會到日本冲繩拍旅遊節目，她說：「仲會影靚相，所以唔敢食咁多嘢。」至於會否拍泳照，她笑說：「應該唔會，費事影響市容。」
採訪、攝影：LawWaiMan