「萬人迷」碧咸左足踝筋腱撕裂，搞到佢連續4屆出戰世盃嘅美夢粉碎，仲搞到全世界嘅「碧咸迷」心碎、痛哭、惋惜；之不過日前喺芬蘭成功接受手術後，碧咸話自己已經收拾好心情，準備重新出發迎接挑戰。佢喺個人官網（圖）咁講：「非常感謝社會各界對我給予無限支持、鼓勵，這對我有很大幫助；我期待早日重拾狀態、再次馳騁綠茵球場！」我求大俠見到就嚟35歲嘅碧咸對未來咁有信心，心情都為之振奮，而佢周三同老婆維多莉亞已經搭飛機返咗倫敦；查實碧咸喺生涯低谷重返球場都會有反彈表現，好似98世盃「虎尾腳」事件後，就幫曼聯喺98/99球季贏「3冠王」。睇嚟碧咸呢位英國帥哥嘅傳奇故事，未來仲有大把驚喜！