【志雲難局之雪中送炭】無綫中人涉貪污的醜聞，令涉案的無綫業務總經理陳志雲、監製錢國偉和無綫市場及營業部業務拓展主管陳永孫周身蟻，不少友人都趁機劃清界線，但曾志偉昨日卻力撐他們都是好人，工作表現出色。不過，志偉也乘機以這宗案件呼籲圈中人作為借鏡，不要重蹈覆轍。
曾志偉、謝安琪、林嘉欣和向佐昨日在旺角出席志偉的兒子曾國祥執導的電影《戀人絮語》記者會，志偉今次父子檔上陣，以行動力撐兒子。當記者將話題轉到無綫涉貪污的關鍵人物陳志雲、錢國偉和陳永孫時，志偉出言力撐他們的人品。
志偉並沒因為案情敏感而劃清界線，他說：「其實件事法律處理中，點樣回應都係唔啱，我覺得佢哋唔係壞人。」他表示跟錢國偉合作遊戲節目《獎門人》系列，大家相處最久，他說：「佢製作好強係聰明人，除咗身邊多啲女仔，冇乜太大問題。」
陳志雲則是志偉尊重的上司，但彼此沒私交，志偉說：「佢工作上係能幹嘅人，面對公司裁員佢都極力挽留同事，呢件事令我對佢改觀，係好上司。至於陳永孫係《72家租客》先合作，以前我唔會同廣告部同事合作，佢係盡忠拼搏嘅人，三位都係好同事同好好先生，希望借記者支筆代為慰問同祝福佢哋。」
「我自己接工作」
雖然廉署邀請無綫約百名幕後和藝人助查，但志偉表示自己沒份問話，他說：「我一向自己接工作，唔經TVB。呢件事對藝人、廣告公司、製作公司都係好課堂，有時涉及法律問題都唔明，好似我哋喺內地演出、拍廣告都有唔同價錢，中間有時俾人抽佣，可能當中會有啲問題。經一事長一智，行內一直發生呢啲事，今次廉政事件，令大家譁然，以後要小心處理。」
談回電影，志偉笑言在片場被兒子指揮工作，曾國祥則說：「可以點番爹哋，感覺好爽。」問志偉今次片酬可有被兒子壓價？他抵死說：「敏感時期講壓價，免得個仔俾廉署請去飲咖啡。」謝安琪在《戀》片中與傳緋聞的陳奕迅合作，但她在片中暗戀彭于晏，反而林嘉欣會跟陳奕迅和向佐展開三角關係。
採訪、攝影：馬建華
小八卦
TVB前員工：陳志雲有今日
無綫業務總經理陳志雲涉貪污案，事件牽涉越演越大，成為全城熱話，連無綫一名前員工歐十十也在個人網誌中發表一篇「陳志雲都有今日」的文章，當中他力斥陳總愛出風頭的地步已到達匪夷所思的境界，更踢爆陳總經常曝光的原因，文中指出：「全因娛樂節目的幕後，已收到一個『不成文規定』，只要是樂易玲和陳志雲出席的活動，就要採訪！」
