鄉議局上年3月喺元朗大球場筵開1,600圍盆菜宴，慶祝主席劉皇發加入政府權力中心做行政會議成員，當日有過萬名鄉紳到場擦餐勁，原來成為史上最多人一齊食盆菜嘅歷史時刻，鄉議局最近將呢項活動申請做世界之最，日前終於收到好消息，收到「健力士世界紀錄」官方機構發出嘅證書，將呢項有14,459人齊齊食盆菜嘅活動列做世界紀錄，發叔同鄉議局成員噚日開晒香檳慶祝。
發叔話件事證明鄉議局上下同心、其利斷金，希望日後繼續團結一致。除咗名，仲有利，鄉議局最近收到大劉劉鑾雄揸fit嘅華人置業集團捐出500萬元建新大樓，睇嚟新大樓筆建造費好快就籌夠。