雖然放寬舊樓強制拍賣門檻的建議在社會上支持及反對意見不相上下，但發展局局長林鄭月娥一意孤行，拒作任何妥協。有反對強拍的泛民主派及建制派議員指出，由於有關修訂條例草案已獲足夠議員支持，政治上已經過關，究竟有關修訂對舊樓業主有多大影響、以至日後可能引發多少市民抗議，已非林太的考慮。
議員：被迫賣樓積民怨
有民主黨立法會議員指出，林太硬推放寬強拍門檻，無可否認能方便地產商在舊區收樓重建，對部份業主而言也是好事，不用因部份業主拒絕賣樓，令收購告吹，但建議未有同時照顧不肯接受收購業主的權益，「唔好忘記，強拍制係沒收個人產權，拎去強行拍賣，作為一個尊重私產嘅社會，一定要有好充份理由先可以咁做，要有好多規定防止有人濫用，但睇唔到政府喺呢方面有做嘢。」
另一名立法會議員指出，在林太眼中，只關心條例草案能否獲足夠票數過關，「總之夠票過，就算你再提幾多意見、幾多憂慮，佢都唔會聽。」可是，這不代表反對強拍的民意就此消失，「當越來越多業主因為放寬強拍（門檻）被迫賣樓，佢哋到時一樣會上街抗議，政府一樣要面對，或者林太覺得到爆煲時候，佢都唔再係發展局局長，可以由其他人去執手尾。」
本報記者