求驗客手記:施丹搞真人騷搵新星 - 求驗客

求驗客手記:施丹搞真人騷搵新星 - 求驗客

真人騷係發掘新星嘅好地方,所以球壇兩大名宿法國嘅施丹,同埋烏拉圭嘅法蘭斯哥利都唔執輸,同西班牙嘅製作公司MonoFilms,一齊搞咗個叫《FootballCracks》嘅真人騷,從全球20個城市先初選50個後生仔,之後再喺4月23號揀17個幸運兒出嚟。而佢哋會喺頂級教練、營養師同心理醫生嘅陪同之下,到馬德里附近嘅訓練場進行為期6星期嘅操練,最後勝出嗰個,可以參加一間西甲球會喺10/11球季嘅季前集訓。我求大俠都有睇過唔少真人騷,勝出嗰個多數係得一剎那光輝,好快就摺埋,希望施丹同法蘭斯哥利嘅騷唔係噱頭嘢,真係可以幫到球壇啦。