曾是陳志雲愛將之一的梁榮忠昨日到港台出席「香港舞台劇獎頒獎禮」記者會，當年忠仔因車震事件令前途盡毀，仍得到志雲力撐開節目洗底，故忠仔亦被歸入為「迷雲黨」之一。
一年冇見陳志雲
對於志雲近日被廉署調查弄得滿城風雨，忠仔就未有因此與志雲劃清界線，更力撐不相信志雲涉及貪污事件，他說：「我自己睇法唔代表全部，但我睇就唔相信，作為朋友都希望佢冇事。」
忠仔更暗寸不少人以此事件博上位，矛頭直指王賢誌，他說：「真係幾可惜幾可憐，唔關事就唔好講，唔好做抽水站。」至於會否效法王喜到陳志雲家探望，他說：「都話唔好抽水，適當時候會（指關心），件事去咗法律，都要等法律上畀個公道嘅公佈。」
忠仔表示自從他離開TVB後，已有近一年時間沒有與陳志雲見面，但他坦言曾與陳志雲及其涉案助手叢培崑食過飯。
採訪、攝影：駱華齡