早幾日有大額注碼買菲爾布朗成為「下一位離職英超領隊」，搞到佢嘅被炒賠率瘋狂落飛，由17倍得番1.4倍，最終佢真係喺星期一烏紗不保。侯城主席阿當皮亞臣話家陣大概有5個人選，仲話會喺星期三公佈新領隊誰屬。教過水晶宮同喺紐卡素做過助教嘅杜維，原本唔係繼任菲爾布朗嘅熱門人選，事關佢個賠率有成15倍，但有博彩公司突然收到有大注買重佢，結果要將佢封盤。菲爾布朗嘅賠率喺出現異動後就落咗台，如今相同情況喺杜維身上出現，加上候選人之一嘅古比士利同雲拿保斯聽講都唔願教，曉士個價又太貴，所以杜維做老虎仔嘅新教頭都唔奇o架。