馬浚偉去年被指成為陳總新寵，除劇接劇演出外，還先後為《由1967開始》配旁白及主持《大廚出馬》，38歲依然有運行。近日志雲落難，曾被指時直時攣的馬仔昨與志雲另一愛將鄧健泓齊於將軍澳出席《隔離7日情》造型時，竟偕女伴到場轉移視線。
馬仔昨與戴墨鏡的長髮女友現身，她與馬仔女助手同坐，任影唔嬲，問馬仔是否帶新歡登場？他九唔搭八說：「我肚屙，屙到好wing。」
攬郭羨妮淡化攣情
馬仔又與前緋聞女友郭羨妮攬頭攬頸，似有意借女伴曝光而淡化與陳總的關係，但據知馬仔早前曾邀陳總為其新碟內的一首歌獨白，可見兩人關係密切。
提到被指為陳總新寵兼與叢培崑爭風呷醋，馬仔煞有介事地說：「低能！我份合約喺TVB，所以只能夠講就係TVB黨，仲有我家感情生活好穩定，唔好亂作任何嘢係關於我。」
採訪：何慧斯
攝影：陳志嵐