港股噚日跌咗130點收市，報收21079。大市觀望氣氛濃厚，買賣兩閒，睇嚟恒指暫時會喺50日同100日線之間反覆。
花旗嗰邊等緊聯儲局今晚議息，正路會維持利率不變，至於會後聲明係點，好快就會知，不過香港要明日先知結果，今日港股好可能悶多日。
和黃C輪20287：和黃（013）昨收56.90元，微跌1個位，相對硬淨。股價近期緩緩上升，可以諗吓隻C輪20287，博正股升上60元。
隻輪現價17.3仙，2010年9月6日到期，行使價67.50元，溢價21.6%，引伸波幅34.1%，有效槓桿8.1倍，正股升上60元，20287有機見26.2仙，升幅51%，如果正股跌穿55.20元，就沽咗隻輪止蝕。
俊樺