【志雲難局之舊將爆料】陳志雲涉嫌貪污案，受牽連的藝人越來越多，更有人爆料指TVB高層常收厚禮的黑幕。曾受陳打壓的王賢誌昨日自嘲無被捧過也無紅過，更敢言表示：「高層唔通要送Hermès！」
陳志雲為首的涉嫌貪污案牽連甚廣，揭發不少藝人受壓低價接工作，繼而有人爆料指TVB高層常收厚禮的黑幕，電視風雲停不了，全城注目。一向敢言，曾受陳總打壓的王賢誌昨日現身馬場，問到他有否跟進陳總涉貪污案新聞，他笑言：「我有朋友住喺佢對面嘅大廈，好多記者，截的士都有問題。」
「我咪冇被捧過」
問到王賢誌可曾獲志雲私人助理叢培崑開設的公司邀請工作？他說：「我喺場合見過佢，冇搵過我，Stephen（陳志雲）咁多愛將，毋須要搵我，係都搵TVB藝人。」
對於有人爆料指TVB高層常收厚禮的黑幕，王賢誌即語帶諷刺表示：「自己冇送過禮，費事俾人話嘢撈，如果係咁，高層唔通送Hermès手袋？我最多都係請人去canteen飲杯嘢，自己都唔知多過500蚊以上嘅嘢唔收得，可能係咁，所以我咪冇被捧過，冇紅過。
「送月餅冇問題」
無綫外事部副總監曾醒明昨晚到九龍灣出席薛家燕生日會，被問到王賢誌暗示無綫有高層收名貴禮物一事，他說：「過時過節送月餅冇問題，TVB都會送畀同工作有關嘅人，總之唔超過500蚊就得，防止賄賂條例係容許嘅，過500蚊就要申報。我就冇聽過高層收名貴手錶手袋，可能佢哋有申報，公司覺得冇問題就OK。」
採訪：顏英儀、藍文浩
攝影：黃偉雄
《小八卦》
何麗全輕鬆睇賽馬
陳志雲涉嫌貪污案牽連甚廣，無綫製作部（非戲劇製作）總監何麗全（圖）昨日現身沙田馬場，表現輕鬆，問他有否sms慰問陳志雲，他即擰頭，問他有否協助受查，他報以微笑，未有回應。此外，薛家燕昨晚於九龍灣舉行生日會，大會名單上有何麗全、曾勵珍及樂易玲的名字，不過三人都沒有出席，曾醒明表示三人沒有答覆一定出席。
無綫封城行動升級
上周四廉署拘捕陳志雲等五名涉案人士，當日有過百傳媒到將軍澳電視廣播城採訪。事情發生第二日，無綫實施封城，所有記者不得進入，當時記者要求借用洗手間時，保安員都批准，不過昨日在門外守候的記者想借用洗手間，卻被拒絕。無綫電視外事部副總監曾醒明昨晚被問到何時解封時，他說：「要睇ICAC仲需唔需要入嚟調查，聽日有決定。」
