黃曉明正趕拍電影《唐伯虎點秋香2》同埋陳凱歌套《趙氏孤兒》,而搵佢做代言人嘅手錶商早前就趁佢有空檔,搵佢喺上海拍咗新廣告。因為拍攝地點好近老人院,所以就吸引一班長者觀看,當拍完之後,一個90幾歲嘅老人家就走嚟搵佢攞簽名,而黃曉明亦好合作咁幫佢簽名之餘,仲即時捐咗一筆錢畀老人院添置用品。