民主黨創黨主席馬丁睇唔過眼警方「大蝦細」，向年輕一代社運人士發動政治檢控，所以主動出手相助，表明會拉攏法律界人士組成律師團，義助呢班冇能力應付昂貴訟費嘅平民打官司。不過，馬丁咁做並唔代表佢支持年輕人向激烈表達方式進發。
馬丁噚日同八方講，眼見警方連職工盟李卓人呢類向來較溫和嘅人都檢控，更加擔心年輕社運人士慘成針對對象，希望幫吓有需要嘅人士。佢澄清，義助打官司唔等於鼓勵激進行為，提醒年輕人和平理性搞社會運動，先得到市民支持。馬丁亦不諱言，好多事例證明有大狀辯護都唔一定surewin，如果理據唔充份，最終都會蝕底！