市建局嘅H19重建項目，喺士丹頓街同永利街收咗兩年樓，但因為業主多數企硬，聽講到目前只係取得約45%業權，反應欠佳。士丹頓街60至62號四樓業主DareKoslow早排接受傳媒訪問，講到自己花咗唔少心機打通兩個唐樓單位諗住長住。
市建局見收樓失利，無計可施，竟然趁土瓜灣馬頭圍道冧樓，乘機向鬼佬業主打毒針，放料老屈人哋拆咗部份主力牆，怕有冧樓危機。
Dare為求安心，花咗成皮嘢搵工程師寫報告，發現單位原有圖則內，根本唔包括俾佢打冧咗嗰幅牆。換言之，即係冇人打冧過主力牆，但係就有人但求收樓，竟然唔顧所餘無幾嘅公信力，老屈小業主！