小妹男友眾多，仲未諗定嫁邊個，好友Kaman就話「我找到了」，今年同男友拉埋天窗。Kaman話原本搞結婚都好苦惱，好在平日玩開facebook，喺朋友介紹下add咗兩個網友，一個係婚禮顧問You&Me，一個係佈置公司Weddingpetals，兩間都係新開張。
免費統籌名額加推
You&Me有三位合格嘅婚禮統籌師，新開張免費幫首8對新人做婚禮當日統籌，Kaman早前半信半疑登記咗，點知過咗兩個禮拜真係有回音，約佢開會傾婚禮安排，連幾時拋花球、幾時影相、同邊個影相都幫佢諗埋。Kaman話，有個weddingplanner幫輕吓，安心好多，仲係唔使錢。同類服務起碼要二千幾蚊。
Kaman話，8個名額雖然full晒，You&Me見反應熱烈再加推3個名額畀9月同10月結婚嘅新人，先到先得，詳情可電郵[email protected]。向隅嘅朋友只要喺6月前結婚幫襯，都有$1,888優惠價。
至於Weddingpetals同一般婚禮佈置公司唔同，物料唔會翻用，仲會同每對新人設計全新佈置，例如試過破格用青提子、青蘋果、檸檬、露筍等做佈置，之後仲榨埋汁畀賓客飲，啱晒啲鍾意環保嘅新人。新開張優惠，今個月內落定教堂佈置，可免費租花鐘一個，訂晚宴佈置送特色鳥居花柱一對，有興趣可email去[email protected]問吓。
Kaman仲教路，鍾意玩FB嘅準新人可試吓用wedding呢啲字眼搜尋，仲會搵到好多優惠。
電郵：mailto:[email protected]