諸葛梓岐（Marie）昨日以希臘女神造型現身銅鑼灣LCX，為PS3遊戲宣傳，同場還有曾與賭王四房兒子何猷亨拍拖的o靚模文宇，以及超蓮男友Jeremy的前女友Ceci。
「冇再聯絡」
文宇早前頻頻向傳媒放料與猷亨拍拖，超盈即代胞弟約文宇傾談分手斬纜，文宇昨日一臉樣，不認曾與猷亨拍拖，她說：「大家一路都係朋友，冇話分唔分手，家係朋友，都冇再聯絡。」被飛會否不開心？她死撐說：「唔會，希望件事快啲過，件事係真假，讀者識分辨，唔想越描越黑。」對於自爆與猷亨拍拖增加知名度及工作機會，文宇即否認說：「係多人識咗，不過唔想因為呢件事啲人關注我。」
採訪、攝影：LawWaiMan