周秀娜昨日在沙田出席日本美甲店開幕禮，封胸晒長腿，她的假甲上更印了自己的肖像，周秀娜大賣口乖說：「我全身隻手最sexy，男友都成日拖住。」為了宣傳，她更笑言要用手指插死早前被拍到泰國攬女的男友，她說：「冇事，我好信佢，每年我哋都一齊去，今年我去唔到，發生乜事我都控制唔到。」男友桃花旺？她說：「佢係髮型師，要人緣好，都需要嘅。」她更指情人節男友送她機去日本，更偷偷送上新銀包做禮物，十分甜蜜。
祝福錢國偉
提到陳志雲、錢國偉被廉署扣查事件，她說：「我識錢國偉，佢好好人，有教我點樣處理啲負面新聞同壓力，佢係一個正直嘅人，我會問候佢，希望冇事，快啲雨過天青。」至於錢國偉有冇介紹工作及壓價等，她則表示由公司安排，不清楚。
採訪：顏英儀
攝影：黃偉雄