甄子丹太太汪詩詩、關詠荷、姚嘉妮和林祖輝等，昨日拖男帶女到理大綜藝館家庭樂，欣賞迪士尼兒童音樂舞台劇《KeeponTrying》。
汪詩詩帶同兒子甄濟嘉、女兒甄濟如（Jasmine）出席，而子丹就外出做訪問。6歲的Jasmine自小接觸傳媒，表現大方，昨日更戴了耳環去看音樂劇，詩詩說：「3年前穿o架喇，佢初時話唔怕，穿嗰時就好痛，佢谷到面仔、鼻仔都紅晒，但都冇喊，遺傳咗爹哋，我就打針都大叫。」詩詩更謂囡囡非常獨立，出街已不肯拖住大人，要自己行。
荷姐帶女睇舞台劇
關詠荷透露老公張家輝原定一起出席，但最終由自己湊女出街，她說：「老公喺屋企做design，自己喺屋企思考。囡囡跟我多啲，佢都要setup社交圈，想佢接觸個世界多啲，將來佢都會大膽啲。」關詠荷謂不覺囡囡繼承父母的演戲細胞，更希望她將來不要入娛圈，她說：「不過都有畀佢學音樂、跳舞，音樂幫佢集中精神，學識抒發情緒，睇啲舞台劇，就等佢聽吓對白，認多啲字同思考多啲。」
採訪、攝影：顏英儀
