黃婉佩Race自公開與向佐拍拖後，不介意人前人後晒恩愛，早前她打退想撬牆腳的鍾欣桐後，更是經常孖公仔般與男友出雙入對，前晚二人又一起出席活動，Race不停大談男友不讓她剪短髮又硬銷男友有份參演的無綫劇，這位蜜糖女友可謂甜到漏。
組合2R的黃婉君（Rosanne）及黃婉佩（Race）前晚到金鐘出席一間經理人公司開幕酒會，Race與男友向佐晒恩愛，同場還有打拳受傷的吳嘉龍。前日天氣開始回暖，Race穿着露背裝及戴上短假髮亮相，被問到是否得男友准許性感示人，Race甜笑謂：「難得呀。」男友特地到場作監視？Race說：「係呀，其實件衫少少性感啫，前面OKo架。」
硬銷男友新劇
Race談到以短髮示人，她再晒恩愛說：「我想剪短啲頭髮，問男友但佢唔畀，佢話如果剪咗就下個月先再見啦，我話一個月啲頭髮都未長番啦，佢就話咁出年見啦，我咪話佢個人好表面囉，不過我啲頭髮留咗五年，都唔捨得。」Race又主動推介向佐有份參演的無綫新劇《鐵馬尋橋》，她說：「記住3月17號捧場呀，我男友有份做。」被指是做人肉宣傳是好女友，Race開心謂：「我未睇過佢拍劇，我都想睇，追開會唔出街睇㖭。」
Carl學拳傷面
近期甚少露面的Rosanne被問到是否與牙醫老公努力造人，她說：「都未開始，冇咁快生，起碼一、兩年後啦。」此時Race又加把嘴再提及向佐，她說：「我男友之前學功夫整崩隻牙，佢都唔知點踢o架，自己隻腳踢崩自己隻牙，咪由我姐夫幫佢止血囉。」有指Race錫錫男友就可以止血，她即大發嬌嗲說：「點得呀？點都要睇牙醫，我又唔係神。」
同場的吳嘉龍（Carl）左臉有三處損傷，他透露是學西洋拳與師父及尼泊爾青年對打，結果因為一次沒戴頭盔，被一名15歲左右的同學打中面受傷，Carl說：「個尼泊爾o靚仔知我係藝人，我唔介意俾佢哋知，我想學嘢嘛，打完全身好痛，好痠軟，不過感覺OK。」
Carl表示5月會參加慈善賽，不過他直言勝算不高。問他會否打女友Leah，Carl笑謂：「冇，我就俾佢打得多，佢學跆拳，打得好叻o架，不過冇打我，講笑啫。」
採訪、攝影：溫敏芝
