女人是全天下最識嘆的動物，上班一族女強人搵到錢不會待薄自己，命水靚嫁到好老公唔憂米更加懂得享受，難怪近幾年超豪Spa一間間接住開。最近又多兩間豪嘆出名的Spa主攻闊太和白領麗人的荷包，搞到扮靚都零舍刁鑽過人！
記者：葉雪芯
攝影：陳陶鈞、王文忠
Model：YuLee@PureModel
徐子淇勤浸MiraSpa
說MiraSpa是正宗闊太天地一點都沒有錯，新開幕不足一個月的MiraSpa，話晒都係李家生意，千億新抱徐子淇梗係超着緊，有份打骰參與設計唔在講，剛開張頭幾日更拉齊人馬，帶一班有錢阿太團去試場。接近萬八呎場地，一入門口就有個懾人氣勢的無柱式大泳池，話你知咩叫「豪」！房間未算多，少少哋九間TreatmentRoom保證唔會人頭湧湧，夠晒私人空間。溫熱水療區內少不了人有我有的桑拿室、Jacuzzi按摩水池、SteamRoom等，最特別是光學噴水式按摩室，每隔一分鐘幻變出不同的光，有淨化心靈情緒作用，牆身上下左右不同方位都會噴出不同力度的水柱，得意又舒服。
四手按摩出動名牌
Spa特別搵來JoyceBeauty王牌的英國護膚品牌ElementalHerbology和美容師口碑法牌AnneSemonin坐鎮。而Treatment方面，最得阿太歡心是Double按摩師兩人合共四手進行按摩，一邊以海鹽做磨砂，一邊以微熱香薰油為身體按摩，力度十足。Facial中最值得推介的是抗衰老緊膚冷凍療程，除了用月見草、紅海藻和野生槐藍等精油按摩之外，最特別是療程中加入了法牌AnneSemonin招牌貨SerumInfusedRadianceIceCubes，將精華素冷凍成冰粒，然後將整粒精華素冰在面部按摩，精華素冰溶化時會逐漸滲入皮膚，收毛孔兼撫平細紋。
7.最值得推介的正是這個光學噴水式按摩室，不同的顏色光可以有效淨化心靈情緒，仲會多方位噴出不同力度的水柱。
MiraSpa（23155500）
尖沙嘴彌敦道118號TheMiraHongKong地庫B3
英式Spa燕窩敷面
要數天下間最最識嘆之女人，英女皇應該都數一數二，而這種英式休閒享受，香港人一向最Buy。中環新開了一間英式的TheHermitageSpa，一進門即見柔和英式貴族家庭客廳設計，感覺不侷促，Relax到好似返咗屋企咁。地方未算很大，但十分的骰溫馨，護膚品獨沽一味epionce，是美國著名皮膚科權威Dr.CarlThornfeldt研製，除日本外全亞洲只有此Spa有售，主攻皮膚自我修復功能，連敏感性皮膚都用得。Spa中的招牌是冰藍玻璃球燕窩Facial，整個療程相當多花款招數，敷兩種不同的面膜之餘，仲有冷凍了的冰藍玻璃球按面加手部Treatment，想試貴婦生活今日即刻動身啦！
冰藍玻璃球燕窩FacialTreatment$1,280/105分鐘
steps
1.完成了按摩油步驟之後，以冷凍過的冰藍玻璃球按摩頸至面部的皮膚，有Firming和收毛孔的功效。
2.用LiteLyticLotion按摩面部，有效軟化及去除面部老化角質，按摩後會擦出橡皮膠碎似的角質層。
3.之後塗抹上緊緻面膜，有效收緊皮膚。
4.最後塗上含燕窩成份的滋潤面膜，夠晒矜貴！
TheHermitageSpabyepionce（28017208）
中環雲咸街1號南華大廈18樓