周五05/03
德乙葡超賭嚟做乜
國際賽後嘅禮拜五，冇乜好玩，３場德乙加１場葡超，若你仍然傾囊下注，勸你打戒賭熱線；日本波即將全面開鑼，不如第二日早啲起身刨吓好過。
閒贏指數：☆
周六06/03
畀敗家仔累死
賽馬跑港澳盃前，又有新西蘭打吡，又有日本波開鑼直播，戲碼強；賭友目不暇給，其實全日最好賭係衞冕日聯嘅鹿島鹿角迎紅鑽，戰友戰鬥員A大題連波膽都中埋，不過好運直至見到敗家仔賓特拿後終結。
閒贏指數：☆☆☆☆
周日07/03
投資對冲≠情感對冲
大戰過後，今天反而有點冷清，買荷甲波起勢過關，但去到重心雷丁，其實自己信心一般；但雷丁半場竟贏兩粒，即拿拿臨補回維拉11.5倍W，有時對冲係一個好好嘅投資態度，即買藍籌，揸期權一樣。
閒贏指數：☆☆☆☆
周一08/03
買利物浦真係輸間舖
利記早怕怕，但戰友叫到，即管夾40蚊買個2串3波膽博吓大霧；但連對韋根都輸得，擁躉必定沮喪；將西甲直播搬到禮拜一，唔係益咗球迷，係肥了莊家嘅投注額，是日華倫W同利記齊葬身大海。
閒贏指數：/
周二09/03
長春白雪印尼仔點頂
返到公司，靈機一觸，長春負零下幾度，印尼仔點頂得順呀，買中個7倍嘅主其他波膽，射阿仙奴，點知賓特拿都入3粒，波膽當然早爆；但都好過拜仁，賭界最衰嘅球隊莫過於肥了自己害了捧場客。
閒贏指數：☆☆☆
周三10/03
離奇之夜幸冇沾手
貼嘅心水由頭到尾都開對家，有冇咁頹，但好友聚會一個接一個，自己一毫子都冇買過，皇馬輸波冇睇直播，但較早時嘅波爾多主場倒灶更離奇，全晚「奇景」一個接一個，嚇到戰友個個走夾唔唞……
閒贏指數：☆
周四11/03
終於踩落紅軍陷阱
早幾天冇墮利記陷阱還自鳴得意，今天見有賠率，自想不容錯過，賽前轉回平手盤，唔使讓里爾，終於中招咯，唔通佢哋留番再下個周日撼曼聯，先扮曼城來個大變身？
閒贏指數：☆☆