喺公司見過唔少藝人，印象最深刻嘅唔係班青春偶像，亦唔係當紅小生，反而係屬於實力派嘅黎耀祥。佢唔算靚仔，不過望落去相當有型，而且好有星味。佢入行做過好多個角色，包括家陣喺深夜重播緊嘅《秀才愛上兵》嘅戴從文同埋戴從武，以及令佢正式上位嘅《巾幗梟雄》嘅柴九，但我最記得嘅，反而係《人在邊緣》嘅曱甴。喺劇中佢只係配角，飾演黎明條o靚，講樣佢輸畀黎明幾條街，但演技就贏晒。
講開配角，拜仁近排多咗好多傷兵，令到陣中班副選有機會由配角變主角，不過論實力，佢哋班波仍然比周六德甲嘅對手弗賴堡高好多，所以3分實食冇黐牙。雖則拜仁讓到成兩球，不過對佢哋依然係信心十足，撐硬「主勝」。
青蛙仔
讓球主客和：拜仁慕尼黑勝[-2]
心得：拜仁讓車馬都高弗賴堡幾班
近5場往績：WLWWL