李麗珍早排成為美容院嘅代言人，繼之前接受Botox療程之後，珍妹近日仲接受抽脂手術，分別喺手臂、背部雞翼位、腰兩側同肚腩位置落手，雖然話晒係手術，但珍妹好有信心，手術前表現得好輕鬆；手術後珍妹要着緊身衫，佢自言話手術後身形有好大分別，對效果好滿意，之後珍妹仲會影好多噴血泳衣相，相信珍迷會好期待。