黎明同任賢齊喺新片《火龍》忠奸對壘，其中有場戲交代黎明揭發咗小齊嘅奸計，於是小齊設計引爆汽車，寧願大家一鑊熟。佢哋兩個拍呢場戲都好唔錫身，始終爆破場面有危險，千鈞一髮之間，黎明拉住小齊離開火場，事後小齊大讚黎明：「佢真係我救命恩人。」黎明就詐導演林超賢型，話佢想收買人命喎！